വീണ്ടും ഒരു ദിനം വിഫലം ,
നെടുവീര്പും ആശങ്കയും ഫലം..
ഒരു പുലര്ച്ചയുടെ നിറവിലേക്ക്,
തളിര്ക്കും ആശക്ക് കാവലായ് ,
ഉണര്ന്നു ഞാന് നെയ്യട്ടെ …
വീണ്ടുമൊരു സ്വപ്നത്തിന് പട്ടുറുമാല് .
ജീവന്റെ വര്ണങ്ങള് ചാലിച്ച് ,
പ്രണയത്തിന് ചാരുത ഇഴചേര്ത്ത് ,
സ്വപ്നത്തിന് പട്ടുനുല്കോര്ത്തെടുത്ത് ,
നെയ്യട്ടെ വീണ്ടുമൊരു പട്ടുറുമാല് ..
കഴിഞ്ഞ കാലത്തിന് ഇരുള് മുടിയാലും ,
പിറക്കും നാളയുടെ ഉണര്വെന്നില് നിറയുന്നു .
കാലത്തിന് തിമിരമെന് കാഴ്ച മറക്കിലും ,
ആശതന് അകക്കണ്ണാല് സ്വപ്നം ഞാന് നെയ്യുന്നു .
ഇമകള് പലവുരു കദനത്തില് നനഞിട്ടും ,
കാലം പലവുരു വദനത്തില് വരച്ചിടും ,
ഒരിറ്റ് അമൃതെന്റെ സ്വപ്നത്തിന് നുകര്ന്ന് ഞാന് -
ഉണര്ന്നിരുന്നെന്റെ പട്ടുറുമാല് നെയ്യട്ടെ …
No comments:
Post a Comment